كشفت الممثلة المصرية حنان مطاوع بعض الأسرار عن حياتها الشخصية وعادتها والأدوار التمثيلية التي قدمتها خلال الفترة الماضية.
وقالت حنان مطاوع: "أنا زي الناس الطبيعية وبنام الساعة 12 أو 1، عشان بنتي بتنام بدري، مبحبش السهر وأنا كائن نهاري زي ما ربنا خلقنا، بنصحى بالنهار وبنام بالليل".
وتابعت حديثها قائلة أنها تتوتر من ترديد إسمها من خلال أخبار شخصية تتصدر الترند وقالت: "أتمنى أبقى تريند بعمل ونجاح مش بشوشرة وحاجة شخصية، بالعكس لما بيحصل تريند بحاجة شخصية بتوتر، أكتر حكمة أؤمن بيها «لا تسيري مع التيار، لكن كوني أنتي التيار، تركيبتي هادية شوية ومتأنية ومتأملة، ومبحبش الصخب والدوشة".
وأضافت: "مبشتغلش طول الوقت، لكن بشتغل 3 شهور في السنة والفترة اللي ببقا قاعدة فيها في البيت، ببقى مركزة معاها طول الوقت وبدي بنتي كل الاهتمام".
